ح رن عليك اوعى تفتح عليا

ح أرن عليك .. إوعى تفتح عليّا!!!

اوعى تفتح عليه ... ماذا لو قال أحد الأشخاص هذه العبارة قبل ظهور
الموبايلات .... يعنى من عشر سنين مثلاً ... أكيد كنت ستظنه يحذرك من أن تفتح عليه الحمام عليه مثلاً و هو بيتليف .. أو تفتح عليه باب حجرته و هو بيغير هدومه ..لم يكن فى الحسبان وقتها أن يكون التليفون ضمن قائمة هذه المحظورات .. يعنى لو حد سألك ساعتها اوعى تفتح عليه التليفون ( قبل ظهور الموبايل ) بالطبع كنت ستتسائل .. أفتح عليه التليفون إزاي ... هو حنفية !!

- و الآن تبدلت الدهشة إلى عادة و أصبحت هذه جملة مستهلكة بين الناس
و خاصة بين الحبيبة ..

تقولك البنت التى تحبها .. هرنلك بس
إوعى تفتح عليه ، تبقى خسرتنى يا روحى لو فتحت و كمان خسرتنى دقيقة
من الرصيد .. و ما أعطلكش و ده معناه خصام دائم و فى أحسن الأحوال تنذرك بأنها لن ترن لك ثانية إذا تكرر ذلك .. يعنى يا روح قلبى هسيبك إنت ترن و تطن زى النحلة و لا هعبرك و بذلك تنقطع لغة الدلال و التواصل المجانية - يا دوب شوية استهلاك فى البطارية و خلاص - و عندما تطلب منك الحبوبة ألا تفتح عليها فهذا ليس لأنها لا تحب سماع صوتك فى التليفون ، و لكن لأن الدقيقة بالشئ الفلانى .. لأنها ممكن تكون بتحوش تمن الكارت من مصروفها .. و ممكن كمان ما تاكلش عشان توفر ثمن كارت الشحن ، لكن تخلص رناته .. أهو ده اللى مش ممكن ابداً !!!

و الموبايل بين الحبيبة أصبح شيئاً هاماً و ضرورياً رغم ان كلا الطرفين
يمكن أن يكون موجوداً فى البيت معظم الوقت ،

إلا ان سياسة الفقر السابقة تصبح سياسة الأقرع و النزهى ...
صاحبنا عايز يحب و يقضى حياته رنات و كلما إزدادت رناته كلما كان
معبراً عن هيامه أكثر و لان الحبوبة ممكن تزعل لو ما رنش ...
معنى كده إنه مش فاكرها ... يعنى مطنشها و تقول فى بالها يبقى أكيد
ناوى يخلعنى من دماغه أو شاف له شوفه تانية و هكذا تصبح الرنة بين
الأحبة وظيفة ضرورية لا تقل عن وظيفة كيلو الفاكهة الذى يحمله الخاطب
لخطيبته فى زيارته الأسبوعية فى المنزل و ذلك ليثبت بفاكهة المحمول إنه
مش جلدة - هذا بعد أن اعانه الله و قدر يخطب - و مزيداً من
الإخلاص فى الحب يحوش الحبوب كام رسالة عاطفية من بتوع الكمبيوتر
يرسلهم للجو عشان تتبسط ... صحيح ممكن تكون أمة لا إله إلا الله
حافظة رسالته قبل ما يبعتها لأنها دارت على موبايلات خلق الله قبل كده
.. و لكنها إعادة صياغة عصرية و تكنولوجية لما كان يحدث قديماً
عندما يستعين أحد المحبين بكتاب شعر ينقش منه كلمتين يلخبطهم على
الجواب إللى ناقله من كتاب ( 100 رسالة عاطفية ) و بعدين يبعته
لحبيبته ..
بعد الموبايل كل إنسان أصبح متاحاً و مقتحماً أى حد تقدر تجيبه من أى حته
و البت اللى أبوها قافل عليها أبواب البيت و شبابيكه و حاطط عليها 100
قفل تقدر تلاغيها و تلاغيك لو معاها موبايل ...
فهو حتة حديدة صغيرة تقدر هى تخليه صامت و تقرأ رسايلك و لو فى
الحمام ، ببساطة اللوعة التى كنا نستمع إليها فى أغانى أم كلثوم لم تعد
موجودة .. بدل ما تقعد تقزل فى نفسك أغداً ألقاك تبعت ( ماسيدج )
بالمضمون و سيبك بقى من السهر و السهد و التنهيد .. بدل ما تقف أدام
البيت و تقلد صوت كلب أو فار ( و ده سيم متفق عليه طبعاً ) يوفر
المحبوب

ايد ده يابنى
مش هفيدك فى موضوع الرنات ده لسببين
1- انا بتصل على طول واظن ان انته عارف كده
2- لو خطيبها خسرها عشان فتح عليها _يبقى هيه هتخسره هيه كمانعارف اذاى
لو خرجوا مع بعض وعزمها على جنيه ترمس (ماهيه حياه تقشف بقه)
ملحوظه
حاول تخليلى الموضوع اصغر من كده ياعمرو ولو انته ناقله (قص من الكلام شويه)

عمرو الموضوع جميل وكل حاجة بس طويل وبعدين ياعم عمرو انا هارنلك وافتح

عليـــــــــــــــــــــــــــــــــا

على فكره ياجماعة الموضوع مش طويل ولا حاجه

بس على فكره الموضوع ده جامد ياعمور بس موضوع الرن ده كان زمان

بس لما حد بيبقى عاوز حد بيكلموا غصب عنه غير كده بيفكروا بيه بس

وعلى فكره موضوع ان حبيبتك ترن عليك وتقولك ماتفتحش عليا علشان

ماتخسرنيش

دى يبقى خساره فيها الحب000 وصراحه عمرها ماحصلت معايا lol!

نعم
شكرا للافاده
علق انته ياغمرو يابنى على موضوعك عشان العمليه مش تاقصه

على الاقل يا عمرو احسن من كلمنى شكرا الى مبتخلصش....
وبقت زى الرنات دلوقتى
ولا ايه ياعمور

في دي عندك حق ياحودة انا من رايي اننا نوقف موضوع الحب علشان شركة الاتصالات تخرب والمواصلات والمطاعم وكل حاجة هاتقف كل دة في سبيل.

الحـــــــــــــــــــــــــــــــــــــــــــب

فى الاول شكرا ليكوا كلكوا على الردود دى
وفى موضوع تانى على كلمنى يامحمود بس خلينا فى الرنات اول ولسا بيتراجع

شكرا ليك ياحمد وبالنسبه ان الموضوع طويل انا مش بحذف منوا علشان يكون مسلى بحاول احطوا زى مهو كمان شكرا ياكريم واكيد كلنا زيك كدا بالنسبه للحورات لا رنات ولاحاجة الرصيد وقتك وقتك واللى معاه سدادا
اظن كدا الرسالة وصلت
((((بس ))))

صح يعني ايه نسيب الحب شغال علشان كل الناس تستفاد وتعيش.

مشكور ياعموووووره علي مجهودك الجبارررررررررررر

شكرا ليك ياميدوا على مرورك وعاوزين نشوف مواضيعك االمفيدة

موضوعك حلو اوى ياموراااااااااااااااااااااااااااااااااااااااااااا تسلم على موضوعاتك الجامده يامظبطنا

بس على فكرة يامورا انا اصلا ماعييش رصيد علشان ارن واقفل

عمرو ممكن تعلق انته علي موضوعك .
شكرا

ميرسى خوخة دا من زوقك ولو كدا ممكن تشتغلى بكلمنى او احولك خمسايه
شكرا لمرورك